Boot silingon sini napatay si Cristo
para sa aton mga sala?

sala? Ibutang sang simple, kun wala ang kamatayon ni Cristo sa cruz para sa aton mga sala, walay tawo nga makaagom sing kabuhi nga walay sing katapusan. Si Jesus mismo nagsiling nga: “Ako amo ang dalan, ang kamatooran, kag ang kabuhi: walay tawo nga nagaabut sa Amay, kondi paagi sa akon” (Juan 14:6). Sa sini nga polong, Si Jesus nagasiling sang rason sang iya pagkatawo, kamatayon kag pagkabanhaw- para maghatag sing dalan pakadto sa Langit para sa mga makasasala nga mga tawo nga indi makasarang magluwas sang ila kaugalingon.

Sang gintuga sang Dios si Adan kag si Eva, himpit sila sa tanan nga butang kag nagpuyo sa paraiso, ang katamnan sang Eded (Genesis 2:15). Ang Dios nagtuga sang tawo sa iya nga kaugalingon nga dagway, nga boot silingon may yara sila kahilwayan sa paghimo sang desisyon kag sang ila kaugalingon nga kabubut-on.

Ginalarawan sa Genesis 3 kung paano nagpati si Adan kag Eva sa pagsulay kag kabutigan ni Satanas. Wala sila nagtuman sa kabubut-on sang Dios paagi sa pagkaon sang sa kahoy sang ihibalo sang maayo kag malaut nga gindumilian sila sa pagkaon sini: " Kag ang GINOONG Dios nagsogo sa tawo, nga nagasiling, Sa tagsa ka kahoy sang katamnan makakaon ka sing hilway: Apang gikan sa kahoy sang ihibalo sang maayo kag malaut, dili ka magkaon sa iya: kay sa adlaw nga magkaon ka sa iya mapatay ka nga totoo. "(Genesis 2: 16-17). Amo ini ang una nga sala nga nahimo sang tawo kag bilang resulta sini, tanan nga katawhan gintangdo nga mapatay sa pisical nga lawas kag sa walay sing katapusan tungod sa aton makasasala nga kinaiya nga ginpanubli naton gikan kay Adan.

DGindeclarar sang Dios nga ang tanan nga nakasala mapatay a pisical nga lawas kag sa spiritu. Amo ini ang kapalaran sang tanan nga katawhan. Apang ang Dios sa iya bugay kag kalooy, naghatag sing paagi para nga makaguwa kita sa sini nga problema, ang ginpaagay nga dugo sa cruz sang iya Bugtong nga Anak. Ang Dios nagdeclarar nga “ sa walay pagpaagay sang dugo walay kapatawaran” (Mga Hebreo 9:22), apang sa pagpaagay sang dugo, may yara pagtubos. Ang Kasugoan ni Moises (Exodus 20: 2-17) naghatag sing paagi sa mga tawo para sa pagtinlo sa ila gikan sa ila mga sala- ang paghalad sing mga sapat para sa ila sala. Ini nga paghalad isa lang ka temporaryo, kag isa lang ka daw pagtilaw sa perpecto kag katapusan nga sacripisyo ni Cristo sa cruz ( Mga Hebreo 10:10).

Amo ini ang kabangdanan kun ngaa si Jesus nagkari kag napatay para nga mangin himpit kag katapusan nga sacripisyo, ang himpit nga sacripisyo para sa aton mga sala (Mga Taga Col. 1:22, 1 Pedro 1:19). Paagi sini, ang saad sang kabuhi nga walay sing katapusan kaupod ang Dios nangin epektibo paagi sa pagtoo ni Jesus, “agud nga ang saad paagi sa pagtoo nga sa kay Jesu-Cristo mahatag sa ila nga nagatoo” (Taga Galacia 3:22). Ini nga mga tinaga, “pagtoo” kag “pagpati” importante sa aton kaluwasan. Ini paagi sa aton pagtoo sa ginpaagas nga dugo ni Cristo para sa aton mga sala nga sa diin makabaton kita sing kabuhi nga walay sing katapusan. "Indi sa mga buhat, agud indi magpahambog ang bisan sin-ong tawo. Kay mga binuhat niya kita, nga gintuga kay Cristo Jesus nga sa mga buhat nga maayo, nga gintangdo nga daan sang Dios nga dapat maglakat kita sa ila. " (Mga Taga Efeso 2: 8-9).

• Si Cristo napatay para tubuson kita sa aton mga sala
• Si Cristo napatay para islan ang kasugoan
• Si Cristo napatay para tapuson ang kasugooan
• Si Cristo napatay para angkonon kita bilang mga anak sa Dios
• Si Cristo napatay para himuon kita nga balaan sa atubang sang Dios
• Si Cristo napatay para ideclarar kita nga matarung sa atubang sang Dios