Ginbutang ko na ang akon pagtoo kay Jesus
subong ano ang ginahimo ko?

Kalipay! Naghimo ka sang desisyon nga makabag-o sang imo kabuhi gikan subong. Siguro nagapamangkot ka, “ano ang akon ginahimo subong?” “Paano ako magsugod sa akon panglakaton kaupod ang Dios?” Ang limaka mga butang nga nakasulat sa idalom magahatag sa imo sang paggiya sa Bibliya?.

1. Suguradoha nga nakaintiende ka sa kaluwasan.

Ang 1 Juan 5:13 nagasiling sa aton “Ining mga butang nasulat ko sa inyo nga nagatoo sa ngalan sang Anak sang Dios; agud nga mahibaloan ninyo nga kamo may kabuhi nga walay katapusan, kag agud nga magtoo kamo sa ngalan sang Anak sang Dios. Gusto sang Dios nga ma intiendihan mo ang kaluwasan. Gusto sang Dios nga magsalig kita kag magtoo nga kita luwas.

(A)Kita tanan nakasala.Nagahimo kita sang mga butang nga dimakapahamuut sa Dios (Mga Taga Roma 3:23).

(B) Tungod sa aton mga sala, kinahanglan kita nga iseparar gikan sa Dios kag pagasilutan sa kalayo sa impyerno ( Mga Taga Roma 6:23

(C) Si Jesus napatay sa cruz para sa pagbayad sang silot para sa aton mga sala (Mga Taga Roma 5: 8; 2 Mga Taga Cor. 5:21). Si Jesus ang napatay imbes nga kita, ginkuha niya ang silot nga para tani sa aton. Ang iya pagkabanhaw nagapamatuod nga ang kamatayon ni Jesus nagakaigo sa pagbayad para sa aton mga sala.

(D) Ang Dios nagahatag sing kapatawaran kag kaluwasan sa tanan nga magbutang sang ila pagtoo kay Jesus – sa pagsalig sang iya kamatayon bilang bayad para sa aton mga sala (Juan 3:16; Mga Taga Roma 5: 1; Mga Taga Roma 8: 1).

Amo ini ang mensahe sang kaluwasan! Kung ibutang mo ang imo pagtoo sa kay Jesu Cristo bilang imo nga Manluluwas, ikaw maluwas! Tanan mo nga sala mapatawad kag ang Dios nagasaad nga indi niya ikaw pag-ibilin ukon isikway (Mga Taga Roma 8: 38-39; Mateo 28:20). Tandai nga ang imo kaluwasan sigurado kay Jesu Cristo (Juan 10: 28-29). Kung saligan mo si Jesus bilang imo nga Manluluwas, mangin sigurado gid ka nga mangin kaupod nimo siya sa eternidad sa Langit!

2. Mangita sang maayo nga Iglesia nga nagatudlo sang Polong sang Dios kag nagatudlo nga ang kaluwasan libre kag paagi sa bugay sang Dios sa kay Jesu Cristo.

Indi pagpanumdoma nga ang iglesia isa ka bilding ukon katukoran. Mga tawo ang iglesia. Importante nga ang mga tumuloo kay Jesus Cristo magtililipon. Isa ini sa una nga mga katuyoan sang iglesia. Subong nga nagtoo ka kay Jesus Cristo, ginalaygayan ka namon nga mangita sang iglesia dira sa inyo lugar, isa ka iglesia nga nagatudlo sang Polong sang Dios kag nagatudlo nga ang kaluwasan libre kag paagi sa bugay sang Dios sa kay Jesu Cristo. Makighambal sa imo pastor, ihambal sa iya ang parte sa imo pagtoo kay Jesu Cristo.

Ang ikaduha nga tinutuyo sang iglesia amo ang pagtudlo sang Bibliya. Makatuon ka kun paano mo gamiton ang polong sang Dios sa imo kabuhi. Ang paghangop sang Bibliya importante para sa makusog kag maayo nga pagkabuhi bilang Cristiano. Ang 2 Timoteo 3:16-17 nagasiling “Ang bug-os nga kasulatan ginahatag paagi sa pagbugna sang Dios, kag mapuslanon sa doktrina, sa pagsabdong, sa pagsaway, sa pagtudlo sa pagkamatarung: Agud nga ang tawo sang Dios mahimpit, nga nasangkapan sing bug-os nga sa tanan nga maayong buhat.”

Ang ikatatlo nga tinutuyo sang iglesia amo ang pagsimba. Ang pagsimba amo ang pagpahayag sang aton pagpasalamat sa Dios sa tanan niya nga ginhimo! Ginluwas kita sang Dios. Ginahigugma kita sang Dios. Ginahatag sang Dios ang tanan naton nga kinahanglan. Ginagiyahan kita sang Dios. Paano kita nga indi mangin mapasalamaton sa iya? Ang Dios balaan, matarung, mahigugmaon, maloloy-on, kag puno sang bugay. Ang Bugna 4:11 nagasiling, “ Takus ka, O Ginoo, sa pagbaton sang himaya kag dungug kag gahum: kay nagtuga ka sang tanan nga mga butang, kag tungud sang imo kahamuut nangin-amo kag gintuga sila."

Tama gid ka importante nga may yara kita tion sa kada-adlaw sa pagpanumdom sa Dios. Ang iban nga tawo nagatawag sini bilang “tion sang kalinong.” Ang iban nagatawag nga “debosyonal” kay ini tion sang paghatag naton sang aton kaugalingon sa Dios. Ang iban ginahimo ini sa aga, apang ang iban sa gab-i. Maskin ano pa ang tawag mo diri ukon san-o mo ini ginahimo, ang importante pirme ka nagagatag sang oras kaupod ang Dios.

Ano ang mga butang nga nagahatag kita sing tion para sa Dios?

(A) Pangamuyo. Ang pangamuyo isa ka simple nga pag-isturya sa Dios. Maghambal sa Dios parte sa imo gusto nga mga pangayuon kag mga problema. Pangayoa sa Dios nga hatagan niya ka sing kaalam kag paggiya. Pangayoa sa Dios ang imo mga kinahanglan. Ihambal sa Dios kung ano mo siya ka palangga kag magpasalamat sa tanan nga ginhimo niya para sa imo. Amo ini ang pangamuyo.

(B) Pagbasa sang Bibliya. Sa dugang sa pagtuon parte sa Bibliya sa iglesia- kinahanglan mo nga magbasa sang Bibliya para sa imo kaugalingon. Yara ang tanan nga kinahanglan mo sa Bibliya para sa maayo nga cristohanon nga pagkabuhi. May yara ini kapawa sang Palvra sang Dios para sa paggiya sa imo sa paghimo sang maalam nga desisyon, para mahibaloan ang kabubut-on sang Dios, para makahibalo kun paano mag-alagad sa iban, kag kun paano magtubo sa spiritwal. Ang Bibliya amo ang Polong sa Dios para sa aton. Ini isa ka importante nga pagtudlo sa kun paano kita magkabuhi sa paagi nga makapahamuot kag makapalipay sa Dios. .

4. Maghimo sang relasyon sa mga tawo nga nagatubo sa spiritwal.

Ang 1 Mga Taga Corinto 15:33 nagasiling, “Dili kamo magpadaya: ang malaut nga mga paghambalanay nagadunut sang maayo nga mga pamatasan”. Ang Bibliya puno sang mga paandam parte sa impluwensya sang mga malain nga mga tawo sa ila kabuhi. Makasulay sa aton ang pag-upod sa ila nga mga nagahimo sang makasasala nga mga aktibidad. Ang kinaiya sang aton mga ginaupdan makita man sa aton. Importante nga ang mga nagapalibot sa aton nga mga tawo nagahigugma sa Dios kag matutom sa iya.

Tilawi nga makig-abyan sa mga tawo gikan sa imo iglesia, ini makabulig sa imo (Mga Hebreo 3:13; 10:24). Hambali ang imo mga abyan nga panumdumon kag mangin matutom sa pag debosyon kag panglakaton kaupod ang Dios. Kag indi mo man pagbayaan ang imo nga mga abyan nga wala nakakilala sa Ginoong Jesu Cristo bilang ila nga Manluluwas. Magpadayon nga makig-abyan sa ila kag higugmaon sila. Hambali sila nga ginbag-o ni Jesus ang imo kabuhi kag wala mo na ginahimo ang malain nga mga butang sang-una. Magpangamuyo sa Dios nga hatagan ka niya sing oportunidad kag paagi nga mawali nimo si Jesus sa imo mga abyan. .

5. Magpabautiso

Madamo nga mga tawo ang wala naka-intiende sa matuod nga boot-silingon sang bautiso. Ang boot-silingon sang tinaga nga “bautiso” - pagtusmaw. Ang bautiso isa ka Biblical nga paagi sang pagpahayag sang pagtoo kay Cristo kag sang imo saad sa pagtuman sa iya. Ang pagtusmaw sa tubig nagalarawan sang paglubong kaupod kay Cristo kag nagalarawan sang iya nga pagkabanhaw. Bilang nabautisohan ginakilala ka kaupod sa iya nga kamatayon, paglubong, kag pagkabanhaw ni Jesus (Mga Taga Roma 6: 3-4).

Ang bautiso wala nagaluwas. Ang bautiso wala nagahugas sing aton mga sala. Ini isa ka simple nga tikang sang pagtuman kag pagpahayag sa publiko sang imo pagtoo kay Cristo para sa kaluwasan. Ang bautiso importante kay ini isa ka tikang sang pagtuman. Kun handa ka na nga magpabautiso, hambali ang imo nga pastor.