1) Base sa Iya Pinakamataas nga Tinutuyo

Ang Iya walay katapusan nga tinutuyo ginpahayag. (Mga Taga-Efeso 1:11-12). Ining walay katapusan nga tinutuyo ginsipit upod sa belo, kag ginpatung-an sang sumpa: (Mga Hebreo 6:17-20). Ini napahayag sa di-mautod nga cadena sang lima ka sugpon nga ginasaligan sang Mga Taga-Roma 8:

“Nahibaloan naton nga sa tagsa ka butang ang Dios nagapanghikot nga sa ikaayo upod sa mga nagahigugma sa iya, ang mga ginatawag sono sa iya tinutuyo. 29 Kay ang ginkilala niya nga daan, gintangdoan man niya nga daan nga manginsono sa larawan sang iya Anak, agud nga manginpanganay sia sa madamung mga kauturan. 30 Kag ang iya gintangdoan nga daan gintawag man niya, kag ang gintawag niya ginpakamatarung man niya; ka ang ginpakamatarung niya ginhimaya man niya.” Taga-Roma 8:28-30

2) Base sa Iya Maligdong nga Pangako

Ang aton kaluwasan nagasandig base sa Iya pangako, kag indi sa aton katutom:Gani bangud sa pagtoo lang [wala sa bahin sang tawo], kay bangud sa bugay [tanan sa bahin sang Ginoo]; asta sa katapusan ang pangako may kasiguraduhan... Taga- Roma 4:16
Kung ini ginsalig lamang sa tawhanon nga ikasarang sa may mapinadayunon nga pagpati, busa ang pangako walay kasiguraduhan. Ang pangako nga kun sin-o man ang magtoo maluwas ginpamatud-an bisan diin.(Gen 15:6; Juan 3:16; Mga Binuhatan 16:33; Taga Roma 4:23-24, et al.)

3) Base sa Iya Walay Katapusan nga Gahum

Siya libre sa pagluwas sa aton. Ang kamatayon ni Cristo ginhalad sa Dios libre sa pagluwas bisan pa sa aton tawhanon nga kakulangan. Ang aton walay katapusan nga kasiguraduhan wala nasandig sa aton nga tawhanon nga dungog. Si Cristo ang katumbasan sang aton mga sala. (1 Juan 2:2). (Sa pagha-um ha-um nga may ara nga sala nga indi bugana nga magdula sang aton kaluwasan amo man ang pag ha-um ha-um nga kita indi takus sang kaluwasan pagkatapos maghimu sang mas daku nga sala kaysa sang una, kag nagpakanubu sang kaluwasan base sa tawhanon nga panghunahuna para maangkon ina.) Iya gid gintuyo nga kita luwason: Kag ini kabubut-on sang Amay nga nagpadala sa Akon, nga wala ako sang madula sa tanan nga ginhatag niya sa akon, kondi nga banhawon ini sa katapusan nga adlaw. Juan 6:39 Kag: Kag nagahatag ako sa ila sing kabuhi nga walay katapusan, kag indi na gid sila mawala, kag walay tawo nga makaagaw sa ila sa akon kamut. Ang akon Amay, nga naghatag sa ila sa akon, daku pa sa tanan, kag walay tawo nga makaagaw sa ila sa kamut sang akon Amay. Juan 10:28-29 “indi gid sila mawala” sa Juan 10:28 isa ka doble nga negatibo, kung sa Grego,ginapahibalo gid. Kag tanda-i, nga duha ka kamut ang nag-upod: Ang Iya sang Amay kag Iya sang Anak!

4) Base sa Iya “Sobra sa Labaw” nga Gugma

Ang Iya tinutuyo base sa gugma. (Cf. Taga Roma 5:6-10): Nahibaloan sang Dios sang ginluwas Niya kita nga kita lubos nga mahigko, kag busa kada bag-o nga sala nga nahimu sa kabuhi naton pagkatapos kita naghinolsol indi makaliso sa Dios nga bag-uhon ang Iya paminsaron kag bawi-on ang Iya bugay kag ang Iya kaluwasan. (Cf. Taga Roma 11:29; Taga Roma 8:32, 38-39).

Ginluwas Niya kita sa rason indi bangud sa aton kag sagwa sa aton. Siya ginduso sang Iya hamili nga gugma kag indi base sa Iya pag binag-binag sang maayo sa makasasala.

5) Base sa Iya Sabat sa Pangamuyo sang Iya Anak

Kita, bilang tumuloo, ginatawag sa naga kalain-lain nga ngalan sa Balaan nga Kasulatan: santos, tumuloo, pinili, tupa, tag-umalambit, kag madamo pa. Apang ang titolo nga pinaka nahamut-an sa tagiposoon ni Cristo ginsulit sing pito ka beses sa Iya pinakamataas nga pangamuyo (Juan 17): “sila nga naghatag mo sa akon” (Cf. Juan 17:11-12).Si Jesus nagapangamuyo nga kita tipigan batok sa impierno (Juan 17:15) kag kita makaupod Niya sa langit (Juan 17:20, 24). [Ini nga pagtipig halin sa pagsilot,indi sa tanan nga palanublion.] Nagapati ako nga ang Amay permi nagasabat sa pangamuyo sang Anak. (Juan 11:42).

Ini naga dul-ong sa pangaduha nga bahin sang aton kasiguraduhan, nga aton pagatun-an sa sunod nga artikulo: “Ang Basihan sang Aton Kasiguraduhan – Ikaduha nga Parte : Ini (gihapon) Ginasalig Base sa Dios nga Anak.”

Kung ang Dios nagpakamatarung sa tawo nga nagatoo kay Jesus, paano Niya ibuhos ang silot sa Iya ginpakamatarung? Ang Iya pagkamatarung naghalin sa gin-akusahan nga pagkamatarung ni Cristo kag nangin aton suno sa kasugoan! Indi ini tulun-an nga may bili, kag ang iya pagka piyerde indi buot silingon sang iya pagkadula. Pareho sang isa ka amay, ang Dios makasarang kag nagatudlo gid sang Iya kalibutan-on nga anak, apang sila nagapabilin sa gihapon nga Iya mga anak. (cf. Ang Nadulang Anak, Lucas 15:24).

Ang Dios, sang nagpakamatarung sang makasasala, dili gid—kag indi gid—makalalis sa Iya kaugalingon sa pagsilot sa ila sang pagkamala-ot. Sa Taga Roma 8:34, si Pablo nagpamangkot, “Sin-o sia nga nagatagudili?” kag nagahatag sang apat ka sabat, kada isa sa ila ginatudlo bisan diin sa Balaan nga Kasulatan, apang gintipon tanan diri para ipaathag ang walay tupong nga kasiguraduhan sang isa ka tumuloo.
Jesus saves eternal Jesus saves redemption eternal Jesus saves security eternal redemption Jesus saves eternal security Jesus saves eternal redemption Jesus saves eternal security
1) Si Cristo napatay;
2) Sia nabanhaw;
3) Sia ang mananabang; kag
4) Sia nagapatunga.

1) Ini Nagasandig sa Iya Ginbuslan nga Kamatayon

Sin-o ang maka tagudili sa aton kung ang silot nabayaran na? Ang daku nga kamatuoran sang walay katapusan nga kasiguraduhan amu ang pagkamatarung paagi sa pagtoo.Ang pagkamatarung naga giya kung paano kita ginatan-aw sang Dios, indi sang iban nga tawo—ukon bisan sang aton kaugalingon—maglantaw sa aton. Ini tanan nabase sa matarung nga pagsulondan; Mga Taga-Colosas 2:14 nagapahayag nga ang aton “Kasulatan sang mga Utang” “nabayaran na sang tuman”: Tetelestai! Ini nga pagtubos sa walay katapusan kag kaisa gid lang kag para sa tanan.

2) Ini Nagasandig sa Iya Ginbuslan nga Kabuhi

Busa, sanglit karon ginpakamatarung kita paagi sa Iya dugo, labi pa nga maluwas kita sa kasingkal sang Dios paagi sa Iya. Taga Roma 5:9-10 Sa mga dugang nga ehemplo, tan-awa sa Taga Roma 5:19; 10:4; Mga Taga Colosas 2:10, et al.

3) 3) Ini Nagasandig sa Iya ginapamulong : Mananabang kag Manugpatunga

Si Jesus amu ang aton matuod nga mananabang kag pari-anon nga manugpatunga. Gani sarang Sia sa tanan nga tion sa pag-luwas sa ila nga nagapalapit sa Dios paagi sa iya, sanglit nagakabuhi sa gihapon sa pagpatunga nga nagatabang sa ila. Mga Hebreo 7:25 “Pag-luwas sa tanan nga tion” maayo gid kag kumpleto sa akon pamatin-an!

1) Base sa Iya Buluhaton nga Pagpanghugas sang Bag-ong Pagkatawo

Ginluwas niya kita indi bangud sa mga buhat nga aton nahimo sa pagkamatarung kondi suno sa iya kalooy ginluwas kita paagi sa pagpanghugas sang bag-ong pagkatawo, kag pagbag-o sa Espiritu Santo; Tito 3:5 Busa, kon ang bisan sin-o nga tawo yara kay Cristo, bag-o siya nga tinuga; ang daan nagtaliwan; yari karon, ang tanan nanginbag-o. 2 Mga Taga-Corinto 5:17

2) Base sa Iya Ginabautismuhan nga Buluhaton

3) 3) Base sa Iya Pagpat-in nga Buluhatony

Siya nagbutang sang iya pat-in sa amon kag naghatag sang iya Espiritu sa amon mga tagiposoon subong nga kalig-onan. 2 Mga Taga-Corinto 1:22 Pagpat-in: Ang “pagpat-in” amu ang marka sang pagbantay (Cf. Mateo 27:66, sa lulubngan ni Cristo) kag pagpanag-iya. Sang pagpat-in sang Balaan nga Espiritu, may sing-sing sang kalig-onan sang Amay sa aton tagiposoon. Nagbilin Sia sang marka sang pagpanag-iya. Ang naguba nga pat-in nagapabalo nga ang pagbantay indi himpit.Pwede mo bala maguba ang pat-in? Pwede bala maguba ni Satanas?

Siya man ang Kalig-onan: Ang kakugi, ukon kalig-onan, isa ka legal nga konsepto.Ini amu ang una nga pama-agi, kung sa diin ang tawo maka-angkun sang legal nga pagtubos sa isa ka bagay nga wala pa magamit. Ini isa ka pauna nga bayad, deposito; isa ka pamatuod sang mayo nga pagtoo, nga naga-obligar sang grupo nga maghimu sang ginkasugtan. (Ang Kalig-onan sa Genesis 38:17ff)

Sa Taga Roma 8:23, ang Balaan nga Espiritu ang gintugyan sang pauna nga bayad, ang “nahaunang mga bunga,” nga pagasundan sang madamu pa. Kita ginpat-inan asta sa sinang adlaw. Kung ang isa ka tawo nga natawo liwat kay Cristo kag wala siya nakakadto sa langit sang siya napatay, ang Dios nag guba sang Iya ginsumpa. Wala sang ginhambal nga kasugtanan. Ini binuhatan sang Dios kag sa Iya lamang nagasandig. Ano Nga Klase Sang Kasiguraduhan Nga Kita May Pagdaug? Sin-o bala ang magapahamulag sa aton sa gugma ni Cristo? Ang kangitngitan bala, ukon kasakit, ukon paghingabut, ukon tiggulutum, ukon kahubo, ukon katalagman, ukon espada? Taga Roma 8:35

Ang manunudlo naglista sang pito ka bagay nga ang tumuloo sarang maka-agi nga ang iban sarang makapaminsar nga ini maga-abot sa tunga sang tumuloo kag sang gugma ni Cristo (Si Pablo naka-agi sini tanan).

1) Kangitngitan : pag pwersa ukon“kasakit”; kapila ka beses ginahambal ni Pablo sa 2 Taga-Corinto);

2) Kasakit : kapareho, “makitid”; i.e., ginapuga, gin preso, kagutok;

3) Paghingabut: Ginagamit sang 10 ka beses sa Bag-ong Katipan, sa tanan nagasunod sa Maayong Balita

4) :Tig-gulutum Ginagamit sang 12 ka beses sa Bag ong Katipan. Ang Dios ni Elijah nagpangita sa Iya pinag- iyahan.

5) 5) Kahubo: Tan-awa sa 1 Mga Taga-Corinto 4:11.

6) Katalagman [sa katalagman] : Gingamit sang 8 ka beses sa isa lang ka bersikulo (2 Mga Taga-Corinto 11:26; cf. 1 Mga Taga-Corinto 15:30).

7) Espada. Ang kalibutan akig sa mga balaan

Ang mga butang nga ini—ginpamulong sang tuman - wala nahamulag ang Kristohanon kay Cristo ; kondi bahin sila sa “tagsa ka butang” (Taga Roma 8:28) Ang Dios naggamit sa pagdala sa ila nga mangin kaangay sa Iya Anak. Wala, sa tanan sining butang labi pa kita sa mga mandadaug paagi sa iya nga naghigugma sa aton. Taga Roma 8:37